АСТАНА, 06 желтоқсан. Террористер мен есірткінің заңсыз айналымы Ауғанстан аумағынан туындайтын негізгі қауіп болып қала береді, деп хабарлады ҰҚШҰ Бас хатшысы Станислав Зась Мәскеуде өткен ҰҚШҰ Парламенттік Ассамблеясы Кеңесінің бірлескен отырысында және ҰҚШҰ ПА XV пленарлық отырысында сөйлеген сөзінде, деп Sputnik Тәжікстанға сілтеме жасап «Терроризмге қарсы комитет» РҚБ ресми сайты жазады.
«Орталық Азия аймағында Ауғанстан аумағынан туындайтын қауіп-қатерлер әлі де сақталуда. Біріншіден, бұл террористік қауіп пен есірткі тасымалының жоғары деңгейі», — деді Зась.
Оның айтуынша, «осы жағдайда тәжік-ауған шекарасында қауіпсіздікті нығайтуда Тәжікстанға көмектесу жұмыстары өзекті болып қала береді».
Саясаткер 2022 жылдың 8 желтоқсанына жоспарланған ҰҚШҰ Сыртқы істер министрлері кеңесі жанындағы Ауғанстан бойынша жұмыс тобының алдағы отырысында ақпарат бойынша терең пікір алмасуды жүргізу қажет деп қосты.
