АСТАНА, 07 желтоқсан. Түркия Ұлттық қорғаныс министрі Хулуси Акар 8 желтоқсан бейсенбі күні Анкараға Финляндия қорғаныс министрі Антти Кайкконеннің келетінін хабарлады. Алдағы келіссөздердің күн тәртібінде қорғаныс және қауіпсіздік тақырыптары, сондай-ақ Скандинавия елінің НАТО-ға қосылу процесі бар, деп Anadolu агенттігіне сілтеме жасап  «Терроризмге қарсы комитет» РҚБ ресми сайты жазады.

Хулуси Акар ресми Анкараның Солтүстік Атлантикалық альянстың ашық есік саясаты мәселесінде ашық болғанын және ашық болып қала беретінін айтты. Бұл ретте Түркия ұлттық қауіпсіздік мәселесінде өзінің басымдықтарын ескеруді күтеді, деді министр.

Ол НАТО ең алдымен қауіпсіздік құрылымы, ал терроризм Альянс елдерінің негізгі ұрыс алаңдарының бірі екенін еске салды.

«Терроризм – барлық елдердің күн тәртібінде тұрған күрделі мәселе. Түркия бірден бірнеше лаңкестік ұйыммен күресіп жатқан жалғыз мемлекет. Қауіптерге қарсы тұрудағы еліміздің әрекеттері мен үлесі ескерілуі керек», — деді Акар.

Мадридте өткен НАТО саммиті аясында Түркия, Финляндия және Швеция қол қойған үшжақты меморандумды еске салды.

«Меморандумның талаптары өте айқын. Швеция мен Финляндия өздеріне орындалуы тиіс белгілі бір міндеттемелер алды.  Бұл Меморандум мүлде соңы емес, үдерістің басы ғана. Барлық мәселелер шешілгеннен кейін Түркия парламентінде өтініштер бойынша дауыс беру өтеді. Біз екі Скандинавия еліне қол ұшын беруге дайынбыз. Бұл ретте біз бұл елдердегі үдерістерді жіті бақылап отырмыз. Өкінішке орай, Финляндия мен Швецияда арандатушылық әрекеттер әлі де орын алуда. Швеция мен Финляндиядан нақты қадамдар күтеміз» деді Акар.