НҰР-СҰЛТАН, 13 мамыр. Коста-Рика полициясы ананас шырынының арасына жасырып салынған 1 тонна 250 келі кокаин есірткісін тапты, деп хабарлайды 24.kz.

Тәртіп сақшылары заңсыз жүкті ең маңызды бағыттарға қатынайтын кемлерді тексеру кезінде кездестірген. Есірткі салынған контейнер Нидерландтағы Роттердам қаласына жеткізілмек болған. Қазір тергеу жүріп жатыр. Полицияның мәлімдеуінше, бұл соңғы алты айда осымен үшінші кемеден табылған ірі көлемдегі есірткі. 15 ақпанда дәл осы Роттердам қаласына жеткізілмек болған 6 тонна есірткі ұсталған.