НҰР-СҰЛТАН, 17 мамыр. Қытайдың оңтүстік-батысындағы Юньнань провинциясының полициясы седанның жүксалғышындағы үш манго қорабына салынған метамфетаминді тәркіледі, деп Синьхуа агенттігіне сілтеме жасап REGNUM хабарлайды.

Мьянма шекарасындағы Юньнань провинциясының Жуйли Дэхун-Дай-Качинский автономиялық округіндегі қара седанның жүксалғышынан табылған есірткінің жалпы салмағы 9,72 кг құрады. Седан 11 мамыр күні  жергілікті уақытпен сағат 20:40 шамасында шекара бекетінде ұсталды.

Шекара полициясы есірткіні тәркілеу кезінде екі күдіктіні ұстады. Тергеу жалғасуда. Юньнань есірткі бизнесіне қарсы күресте Қытайдың негізгі шебі болып табылады, өйткені бұл аймақ есірткі бизнесінің «алтын үшбұрышына» кіретін Лаос, Мьянма және Таиландпен шектеседі.Қытайда ұсталған барлық есірткінің 80% -ы осы жерде тәркіленеді.