НҰР-СҰЛТАН, 18 мамыр. «Ислам мемлекеті» ұйымының (ҚР қызметіне тыйым салынған ұйым) жеті содыры Сирияның «Әл-Хол» лагерінен қашып кетті. Бұл туралы SANA агенттігіне сілтеме жасап REGNUM ақпарат агенттігі хабарлады.

Журналистердің ақпараты бойынша, лагерь Хасака провинциясында орналасқан, Сирияның Демократиялық күштерінің бақылауында, лаңкестер одан қашып кете алды. Оқиғаның егжей-тегжейлері әзірге белгісіз.

Жалпы, «Әл-Хол» лагерінде 72 мыңнан астам адам бар, олардың арасында «Ислам мемлекеті» ұйымының (Қазақстан Республикасында тыйым салынған ұйым) содырлары, сондай-ақ олардың отбасы мүшелері де бар.