НҰР-СҰЛТАН, 24 мамыр. Ауғанстанның барлау қызметінің өкілі Джавид Файсал Рамазан айында «Талибан» ұйымы (ҚР тыйым салынған ұйым) 146 бейбіт тұрғынды өлтіріп, 430 адамды жарақаттады деп мәлімдеді. Бұл туралы Рейтерс агенттігіне сілтеме жасап REGNUM хабарлайды.
«Талибан» қозғалысы (ҚР қызметіне тыйым салынған ұйым) оның Ауғанстандағы соңғы әрекеті бейбіт тұрғындарға қарсы бағытталғанын жоққа шығарды. Содырлармен болған қақтығыстарда әскерилердің шығындары жария етілмеген.
Бұған дейін хабарлағандай , 23 мамырда «Талибан» қозғалысы (ҚР қызметі тыйым салынған ұйым) Ораза айт мейрамына байланысты үш күндік бітім жариялады.
