НҰР-СҰЛТАН, 27 мамыр.Ауғаныстанның солтүстік-батысында Бадгис провинциясында «Талибан» радикалды қозғалысының содырлары орнатқан жол бойындағы бомба жарылысынан үш бала қаза тапты, деп TOLO News-ке сілтеме жасап РИА Новости хабарлайды.
Полиция қызметінің бастығы Шер Ака Алокозай хабарлағандай, оқиға Мукор уезіндегі Чашма-Дуздақ елді мекеніндегі полиция учаскесінің жанында орын алған. Алокозайдың айтуынша, бомбаны талибтер орнатқан.
Бұған дейін «Талибан» қозғалысы(ҚР-да тыйым салынған ұйым) мұсылман мерекесі Ораза айт мерекесіне байланысты Ауғанстандағы атысты үш күнге тоқтатқаны туралы хабарлады. Ауғанстан президенті Ашраф Ғани де қауіпсіздік күштеріне тыныштық режимін сақтауға тапсырды. Жексенбі күні Ғани «Талибан»радикалды қозғалысының 2 мың мүшесін босатуға бұйрық берді.
Ақпан айының соңында Катарда өткен салтанатта АҚШ пен Талибан 18 жылдан астам уақытқа созылған соғыс кезіндегі алғашқы бейбіт келісімге қол қойды, онда шетелдік әскери күштердің Ауғанстаннан 14 ай ішінде шығарылуы және тұтқындармен алмасу келісімінен кейін наурызда ауғанаралық диалогтың басталуы қарастырылған.
