НҰР-СҰЛТАН, 03 маусым. Ауғанстан астанасы Кабулда жойқын жарылыс болды. Бұл туралы TOLOnews телеарнасына сілтеме жасап ТАСС хабарлады.

Телеарна дереккөздерінің мәліметтері бойынша, жарылыс қаланың солтүстігіндегі мешіттердің бірінде болған. Жарылғыш құрылғыны жанкешті-лаңкес іске қосты. Оқиға салдарынан мешіт имамы қаза тауып,үш адам жарақат алды. Зардап шеккендердің барлығы медициналық мекемелерге жеткізілді.

Қаза тапқандар мен зардап шеккендер туралы ақпаратты республиканың Ішкі істер министрлігі растады. Ауғанстан үкіметі шабуылды қатаң айыптады.