НҰР-СҰЛТАН, 22 маусым. «Ислам мемлекеті» (ИМ) экстремистік тобының содырлары Сирияның шығысындағы елдің әскери күштерінің позицияларына шабуыл жасап, сегіз әскери қызметкерді өлтіріп, тағы үшеуін тұтқындады. Бұл туралы Синьхуа ақпарат агенттігі Сирия адам құқықтары жөніндегі обсерваториясына сілтеме жасап хабарлады .

Ақпарат бойынша, ИМ содырлары (Қазақстан Республикасында тыйым салынған ұйым) Дейр-эз-Зор провинциясындағы Эль-Меядин қаласының  шетіндегі сириялық әскери нысанға шабуыл жасады.

Бұл шабуыл Сирияның шығысындағы  шөлді аймақта «Ислам мемлекеті» жасаған бірнеше шабуылдың соңғысы болды.

ИМ елдің негізгі аймақтарын бақылауынан айырылды, бірақ осы аймақтағы «жасырын ұяшықтар» мен кейбір топтар сириялық күштерге жиі шабуыл жасайды.