НҰР-СҰЛТАН, 26 маусым.Сомали ұлттық армиясы сәрсенбі күні Сомалидың оңтүстігіндегі Джамам мен Кисмайо қалаларының маңында операция кезінде «Аш-Шабаб» тобының алты содырын жойды, деп Сомали ұлттық армиясының 16-шы дивизиясының 5-ші бөлімшесінің командирі Хасан Аден Иракқа сілтеме жасап Синьхуа ақпарат агенттігі жазады.  

Әскери офицер журналистерге әскердің жоспарлы операция өткізгенін және содырлардың елеулі шығындарға ұшырағанын хабарлады.

«Операция барысында біз Хавалджири, Якбишар және Бернаси ауылдарын басып алдық, қақтығыс кезінде біздің әскерлер «Аш-Шабабтың» алты содырын жойды», — деді ол.

Оның айтуынша, қауіпсіздік күштері содырларды аймақтан шығарғанға дейін операцияларды күшейтеді.

Жергілікті тұрғындар қарулы күштер Кисмайо мен Джамам қалаларының сыртындағы ауылдардағы «Аш-Шабаб» содырларына шабуыл жасағанын хабарлады .