НҰР-СҰЛТАН, 07 шілде. Итальяндық есірткіге қарсы күрес қызметі 2019 жылға есебін жариялады, оған сәйкес марихуананы жеткізудің негізгі бағдары Италиямен теңіз арқылы шекаралас жатқан көршілес Албания арқылы өтеді, деп REGNUM ақпараттық агенттігі жазады.
Албандық Lapsi ақпарат агенттігінің хабарлауынша, Албанияның қылмыстық топтары Италиядағы марихуана, кокаин және героиннің тасымалын бақылайды және жылдан жылға олардың қылмыстық ұйымдары күрделене түседі.
2019 жылы Италияда соңғы 10 жылда кокаиннің рекордтық көлемі тәркіленді. Дилерлер ретінде итальяндық мафиямен ынтымақтасқан албандар болды. 2019 жылы тәркіленген кокаин мөлшері 2018 жылмен салыстырғанда 2,27 есе асып, 8,3 тоннаны құрады.
Италияның есірткіге қарсы қызметі жасаған бірнеше сәтті операциялар жағдайды өзгерте алмады.
