НҰР-СҰЛТАН, 23 шілде. Ресей Федерациясының Бас прокуратурасы Мәскеу мен Мәскеу облысында 36 килограмнан астам гашиш сатуға әрекеттенген екі адамға қатысты қылмыстық іс бойынша айыптау қорытындысын бекітті, олардың бірі — Молдавия азаматы. Бұл туралы мекеменің баспасөз қызметіне сілтеме жасап РИА Новости хабарлайды.

«Қылмыстық іс мәні бойынша қарау үшін Мәскеу облысының Лобнялық қалалық сотына жіберілді», — деп хабарлады баспасөз қызметі.

Ер адамдар “ұйымдасқан топ жасаған есірткі заттарын аса ірі көлемде заңсыз өткізуге оқталу” бабы бойынша қылмыс жасағаны үшін айыпталады.

Тергеушілердің мәліметінше, Мәскеу тұрғыны Константин Чистяков пен молдовалық Трофим Марчел белгісіз адамдардан ірі көлемде гашиш алған. Олар есірткі заттарын Мәскеу мен Лобнядағы көлікжайларда сақтап, оны сатуды жоспарлаған, бірақ олар ұсталды. 36 келіден астам гашиш тәркіленді.