НҰР-СҰЛТАН, 31 шілде.  Мемлекеттік қауіпсіздік қызметі шекара әскерлерінің әскери қызметшілері жүргізген жедел-іздестіру іс-шарасы барысында Ташкент облысы Бекабад ауданы Шырынбулок ауылында бұрын сотталған жергілікті тұрғын 10 кг 130 гр апиын мен 19 кг 74 гр гашишпен ұсталды, деп жазады Sputnik Өзбекстан.

Белгілі болғандай, оның тәжікстандық танысы оған есірткіні өзбек-тәжік шекарасындағы сым қоршауы арқылы берген. Есірткі заттарын ер адам Ташкентте сатуды жоспарлаған.

Әндіжан облысы бойынша Мемлекеттік қауіпсіздік қызметінің қызметкерлері жүргізген жедел іс-шара барысында Бостан аймағындағы жол полициясының бекетінде Әндіжаннан Ташкентке қарай келе жатқан «Cobalt» маркалы көлік тоқтатылып, тексерілді. Жолаушыдан 1 кг 446 г гашиш салынған полиэтилен пакет табылды.

Белгілі болғандай, әйел есірткі заттарын Қырғыз Республикасының Карасу қаласында тұратын Азиз деген әлдебіреуден алған, оларды Әндіжан облысының аумағына айналма жолмен кіргізіп, сату мақсатында Ташкентке жіберген.

Әндіжан облысы Қорғантепа ауданының тумасы шекара учаскесінде 978 гр. Гашишпен ұсталды.

Ол бұл есірткі заттарын қырғызстандық Әлішер мен Бахромнан алғаны белгілі болды. Олар тауарды Қорғантепа ауданының Олтынсой махалласы аумағынан өтетін мемлекеттік шекараның сым қоршаулары арқылы өткізген.

Қырғыз Республикасы, Ош қаласының Суратош ауылымен шектесетін Хужаабад облысы, Манак ауылының аумағынан өтетін мемлекеттік шекараның сым қоршауынан Қырғызстан азаматынан 971 гр гашиш алғаннан кейін шекара аумағына бет алған кезде Мемлекеттік қауіпсіздік қызметінің шекара әскерлерінің әскери қызметшілерімен ардагер-сарбаздар мен мүгедектер қауымдастығының Қожаабад аудандық бөлімінің төрағасы мен жас жігіт ұсталды.

Жүргізілген операциялар барысында жалпы 10 келі 130 грамм апиын және 22 кг 469 гр. гашиш тәркіленді.

Қазіргі уақытта аталған фактілер бойынша Қылмыстық кодекстің тиісті баптары бойынша қылмыстық іс қозғалып, тергеу амалдары жүргізілуде.