НҰР-СҰЛТАН, 03 қазан.Пәкістанның солтүстік-батысындағы Солтүстік Вазиристан тайпалық округінде екі террорист өлтірілді. Бұл туралы әскерилерге сілтеме жасап Синьхуа агенттігі хабарлады.

Армия мәлімдемесінде қауіпсіздік күштерінің ауданның Боя аймағында террористердің жасырынған орнын табу үшін барлау операциясы жүргізгені айтылған.

Мәлімдемеде екі террорист, оның ішінде жарылғыш құрылғы дайындайтын маман өлтіріліп, бір террорист ұсталғаны атап өтілді.

Бұл лаңкестер жазықсыз жергілікті тұрғындарды өлтіруге қатысқан және қауіпсіздік күштеріне террористік шабуылдар жоспарлап, жасаған деп мәлімделген.