НҰР-СҰЛТАН, 30 қазан. Новосибирскіде тұратын шетелдік азамат «Ислам мемлекеті» (ҚР тыйым салынған ұйым) тобын қаржыландыру үшін ақша аударғаны үшін алты жылға бас бостандығынан айырылды, деп аймақтағы ФҚҚБ баспасөз қызметіне сілтеме жасап ТАСС хабарлайды.

 «1-ші шығыс аудандық әскери соты шетелдікті террористік әрекетке қатысқаны үшін кінәлі деп тауып, жалпы режимдегі колонияда өтеуге алты жылға бас бостандығынан айырды», — делінген хабарламада.

2014-2016 жылдары ер адам Стамбулдағы «Ислам мемлекеті» (Қазақстанда тыйым салынған ұйым) террористік қызметіне қатысқан және халықаралық іздеуде жүрген адамдарға ақша аударған . 2019 жылдың желтоқсанында жүргізілген жедел-іздестіру іс-шараларының нәтижесінде бұл қызмет тоқтатылды.