НҰР-СҰЛТАН, 11 желтоқсан. Бүгін Сирияның солтүстік-шығысындағы бүлікшілердің бақылауындағы Эль-Хасака провинциясындағы жарылыстан 16 адам, оның ішінде үш түрік әскериі қаза тауып, тағы 12 адам жарақат алды. Бұл туралы осы елдегі жағдайды бақылап отырған ұйымға сілтеме жасап Синьхуа агенттігі хабарлады .
Ұлыбританияда орналасқан Сириялық адам құқықтарының сақталуын бақылау орталығының мәліметінше, жарылыс көлікке қойылған бомбадан болған. Ол Рас-эль-Айн қаласындағы (Эль-Хасака провинциясы) түрікшіл көтерілісшілердің бақылауындағы бақылау-өткізу пунктінде жарылды.
Ұйымның хабарлауынша, бейбіт тұрғындар мен әскерилер, сондай-ақ үш түрік әскери қызметкері қаза тапты.
Бұл жарылыстың алдында Сирияның солтүстік-шығысы мен солтүстігінде түрікшіл бүлікшілер бақылауындағы аудандарда бірнеше жарылыс болды.
2019 жылға дейін Рас эль-Айн «Сирияның демократиялық күштерінің» күрд содырларының бақылауында болды. 2019 жылы қаланы Түркия қолдаған бүлікшілер басып алды.