НҰР-СҰЛТАН, 22 қаңтар. Сырдария облысында тәртіп сақшылары «Жиһадшылар*» экстремистік тобының қызметін тоқтатты . Бұл туралы елдің ішкі істер министрлігіне сілтеме жасап Sputnik Өзбекстан жазады.

Тергеу барысында Ресей Федерациясындағы маусымдық жұмыс кезінде топтың екі жетекшісі радикалдардың ықпалына түскені белгілі болды. Олар отанына оралып, халық арасында және әлеуметтік желілер арқылы өздерінің деструктивті идеяларын таратумен айналыса бастады.

Олар экстремистік ұйымдар мүшелерінің мақалалары мен есептерін жүктеген, сақтаған және  таратқан, сондай-ақ Сириядағы террористік топтарды қаржыландырған делінген .

Атап айтқанда, ер адамдар Telegram мессенджерінде қайырымдылық тобын құрып, топан судан кейін Сардобадағы мешіттерді қалпына келтіру сылтауымен мұсылмандардан ақша жинап, оларды Сирияға жіберген.

Қазіргі уақытта Өзбекстан Республикасы Қылмыстық кодексінің тиісті баптары бойынша тергеу амалдары жүргізілуде.

* «Жиһадшылар» — Өзбекстанда және басқа да бірқатар елдерде тыйым салынған діни-экстремистік ұйым