НҰР-СҰЛТАН, 12 ақпан. Пәкістандық содырлардың жетекшілерінің бірі Амир Наваз Ауғанстанда өлтірілді деп жазады Sputnik Тәжікстан Ауғанстанның «Паджхвок» агенттігіне сілтеме жасап.
Ол Кабул маңындағы арнайы операция кезінде өлтірілді. Мұны бірден бірнеше ақпарат көздері растайды, соның ішінде Пәкістан қауіпсіздік қызметі.
Амир Наваз 2019 жылы Нангархар провинциясында әйгілі жапондық гуманитарлық қызметкер доктор Тецу Накамураны өлтіруге қатысқан.
Сол кезден бастап Пәкістан тәлібтерінің жетекшісі қастандықты ұйымдастырды деп күдіктелді.
Сонымен қатар, Daily Times-тың хабарлауынша, залалсыздандырылған ер адам Хаджи Дубай деген атпен де танымал болған және Пәкістанда Карачи, Пенджаб, Белужистан мен Хайбер-Пахтунхвада бірнеше адам өлтіру мен ұрлауға қатысқаны үшін іздеуде болған.
Амир Наваз 2012 жылы Банну түрмесінен қашудың бастамашысы болғаны белгілі, сол кезде шабуыл нәтижесінде «Талибанның» (Қазақстанда тыйым салынған террористік ұйым) 260-тан астам содыры қашыт кеткен.
