НҰР-СҰЛТАН, 19 наурыз.  ЕО Кеңесі сейсенбі, 16 наурызда «Террористік контентті желіде таратуға» қарсы қаулы қабылдады. Бұл туралы Deutsche Welle Еуроодақтың заң шығарушы органының баспасөз қызметіне сілтеме жасап хабарлайды.

Жаңа енгізілімге сәйкес, ЕО мүше-мемлекеттерінің құзыретті органдары қызмет көрсетушілерге террористік контентті алып тастау немесе ЕО-ға мүше барлық елдерде оған  қолжетімділігін үзіп тастау туралы бұйрық беру құқығына ие болады.

«Содан кейін Интернет-платформалар бір сағат ішінде контентке қолжетімділікті үзіп тастауы немесе өшіруі керек», — делінген ЕО қаулысында.

Ереже ЕО-да қызмет көрсететін барлық провайдерлерге қолданылады — олардың штаб-пәтері Қауымдастық мемлекеттерінің бірінде орналасу не орналаспауына қарамастан.

 «Террористік мазмұнның» анық анықтамасы

Сонымен қатар, негізгі құқықтар мен бостандықтарды толық сақтау мақсатында,  Брюссельде «террористік мазмұн» дегеніміз не екендігі туралы нақты анықтама берілген.  Жаңа заңнамада мазмұны жойылған пайдаланушылар үшін де, шағым түсіре алатын қызмет жеткізушілер үшін де тиімді құралдар бар.

Жаңа ережелер 2022 жылдан бастап күшіне енуі керек.

2018 жылы Еуропалық қауіпсіздік комиссары болған Джулиан Кинг Facebook, Twitter және Google сияқты ғаламторға қатысты мәселелер терроризммен байланысты болуы мүмкін жазбаларды тез анықтауға міндетті болады деп мәлімдеді.