НҰР-СҰЛТАН, 18 сәуір.Ауғанстан үкіметі армиясының операциялары кезінде жұма күні «Талибан» қозғалысының* 51 содыры өлтірілді. Бұл туралы елдің Қорғаныс министрлігінің мәлімдемесіне сілтеме жасап Синьхуа агенттігі хабарлады .

Министрліктің мәлімдемесінде жұма күні үкіметтік күштердің Газни мен Нимроз провинцияларында тәліптерге қарсы операциялары басталғаны, нәтижесінде 51 содыр өлтірілгені, олардың қару-жарақтары мен оқ-дәрілері жойылғандығы, Нимроз провинциясындағы «түрменің» жойылғандығы,  оның ішінен тұтқындалған 20 үкімет сарбаздары мен полиция қызметкерлерінің құтқарылғаны айтылған.

«Талибан»  бұл ақпаратқа қатысты әлі түсініктеме берген жоқ.

* Қазақстан Республикасында тыйым салынған ұйым