НҰР-СҰЛТАН, 28 маусым. ДАИШ лаңкестері Ирактың солтүстігіндегі Салахаддин провинциясындағы жаңа жылу электр станциясына зымыран атқаны үшін жауапкершілікті өз мойнына алды, деп Анадолу агенттігі хабарлайды.
Содырлар тиісті хабарламаны әлеуметтік желілердегі бақыланатын ресурстардың біріне орналастырды.
Ирактың Энергетика министрлігі кеше Салахаддин провинциясындағы жылу электр станциясының бірі зымыран соққысына ұшырағаны туралы және бұл айтарлықтай зиян келтіргені туралы хабарлаған.
Бұл Ирак тарихындағы электр станцияларына жасалған алғашқы ракеталық шабуыл.
Өткен аптада елдің премьер-министрі Мұстафа әл-Казимидің қатысуымен Салахаддин провинциясы мен Бағдадтың солтүстігіндегі аудандарды энергиямен қамтамасыз ететін жылу электр станциясының салтанатты ашылу рәсімі өтті.
