НҰР-СҰЛТАН, 12 шілде.  Түрік әскери-әуе күштері Ирактың солтүстігіндегі Зап аймағында КЖП-ның төрт лаңкесін өлтірді, деп хабарлайды Anadolu .

Бұл туралы Түркия Ұлттық қорғаныс министрлігі дүйсенбі 12 шілдеде әлеуметтік желілерде хабарлады. Қорғаныс ведомствосында атап өткендей,  Түркия қарулы күштері аймақтағы террористерге қарсы күресті табысты жалғастыруда.

КЖП содырлары Түркиядағы жағдайды тұрақсыздандыру және елді бөлшектеу үшін қантөгіс шабуылдар жасайды.

Президент Режеп Тайып Ердоған 1984 жылдан бастап КЖП содырлары Түркияда қанды қылмыс жасағаннан бастап, 2020 жылдың наурызына дейін 7500 түрік қауіпсіздік күштерінің қызметкерлері мен 6800 бейбіт тұрғын осы қанды ұйымның қолынан қаза тапқанын айтты.

АҚШ пен Еуропа Одағы КЖП-ны  лаңкестік ұйымдар тізіміне енгізді.

Анкараның жағдайды шешу жолдарын іздеуге тырысқанына қарамастан, КЖП  лаңкестік ұйымы 2015 жылдың шілдесінен бастап қарулы шабуылдарды қайта бастады.

Соңғы жылдары Күрдістанның жұмысшы партиясы аймақтағы қанды қылмыстар үшін жауапкершілікті өз тармақтарына жүктеуге тырысады.

Сирияда КЖП  лаңкестері PYD және YPG аттарымен жамылып жүр, ал соңғы екі жылда өздерін «Сирия Демократиялық Күштері» деп атады.