НҰР-СҰЛТАН, 13 шілде. Ингушетияда тергеушілер 2014 жылдың көктемінен 2015 жылдың күзіне дейін заңсыз қарулы топтың  (ЗҚТ) мүшелеріне жәрдемдесті  деп айыпталған жергілікті тұрғынға қатысты қылмыстық іс қозғады. Бұл туралы аймақтағы РФ ТК  Тергеу департаменті баспасөз қызметінің мәлімдемесіне сілтеме жасап ТАСС хабарлайды.

 «27 жастағы республика тұрғынына қатысты қылмыстық іс қозғалды, ол Ресей Федерациясының Қылмыстық кодексінің 33-бабының 5 — бөлігі, 208-бабының 2-бөлігі «Федералды заңда көзделмеген қарулы құрылым мүшелеріне жәрдемдесу» , Ресей Федерациясының Қылмыстық кодексінің 222-бабының 2 бөлігі «Қарудың заңсыз айналымы», Ресей Федерациясының Қылмыстық кодексінің 222.1-бабының 2-бөлігі «Оқ-дәрілерді заңсыз сақтау және тасымалдау» бойынша қылмыстар жасады деген күдікке ілінген», — делінген хабарламада.

Күдікті 2014 жылдың сәуірінен 2015 жылдың қазанына дейінгі аралықта заңсыз қарулы топдың екі мүшесіне облыс аумағы бойынша жеке көлігімен тасымалдау және азық-түлікпен қамтамасыз етуде көмек көрсетті.

«Сондай-ақ, күдікті қолдан жасалған жарылғыш зат пен жарықшақты гранатаны заңсыз сатып алып, оны 2021 жылы 9 шілдеде жедел-іздестіру іс-шараларын жүргізу кезінде қауіпсіздік қызметкерлері анықтағанға дейін үйінде сақтаған. Күдіктіге қатысты сот қамауға алу түріндегі бұлтартпау шарасын таңдады», — деп толықтырды баспасөз қызметі.

Қылмыстық іс бойынша жасалған қылмыстардың барлық мән-жайларын анықтауға бағытталған тергеу әрекеттері жүргізіледі. Қылмыстық істі тергеу жалғасуда.