НҰР-СҰЛТАН, 24 шілде.  Белгісіз содырлар Кандагар провинциясының Спин-Болдак аймағында «100-ден астам бейбіт тұрғынды» өлтірді деп бейсенбі күні бұл жағдаймен таныс ақпарат көздері хабарлады.

Ауғанстан Ішкі істер министрлігі бұл хабарламаны растап, бұл азаматтардың себепсіз өлтірілгендігін мәлімдеді.

Ауғанстан үкіметі тәлібтерді бейбіт тұрғындарды өлтірді деп айыптады.

«Аяусыз террористер өздерінің пенджабтық бастықтарының (Пәкістан) бұйрығымен Спин-Болдактың кейбір аудандарында жазықсыз ауғандықтардың үйлеріне шабуыл жасады, үйлерді тонап, 100 жазықсыз адамды өлтірді», — деді Ішкі істер министрлігінің өкілі Мирваис Станекзай.

«Бұл қатал жаудың шынайы бет-бейнесін көрсетеді», — деп қосты Станекзай.

Сонымен бірге, Кандагар провинциясы кеңесінің мүшесі белгісіз содырлар оның екі ұлын мереке қарсанында үйден алып кеткенін және өлтіргенін айтты.

Талибан бейбіт тұрғындарды өлтіруге қатысы бар екенін жоққа шығарды.

Кандагар провинциясы кеңесінің мүшесі Фида Мохаммад Афганның айтуынша, белгісіз қарулы адамдар оның екі ұлын мерекеден бір күн бұрын үйден алып шыққан, содан кейін оларды өлтірген. Афган — Спин-Болдактың тұрғыны. Ол ұлдарының ешқандай әскери топпен байланысы жоқ екенін айтты.

«Олар (Талибан) қозғалысына қатысы жоқ дейді, бірақ кім болса да, оларды ұстап, сотқа беру керек», — деді Фида Мохаммад Афган, Кандагар провинциясы кеңесінің мүшесі.

«Кейбіреулер 380 адамды алып кетті, ал өлтірілгендер әлі сол жерде жатыр дейді», — деді Фида Мохаммад Афган.

Ауғанстан қауіпсіздік күштерінің айтуынша, Спин-Болдакта бірнеше бейбіт тұрғынның мәйіті әлі күнге дейін жерде жатыр.

Ауған қауіпсіздік қызметі «Талибан» содырларын айыптады.

«Олар (Талибан) тіпті бейбіт тұрғындардың үйлерін және үкіметтік мекемелердің тонауға, оның ішінде қоғамдық инфрақұрылымды жоюға дейін барды», — деді Қорғаныс министрлігінің өкілі Рохулла Ахмадзай. «Олар бейбіт тұрғындарды да өлтірді», —  деді Ахмадзай.

Талибан өкілі Забихулла Муджахид айыптарды жоққа шығарды.

 «Олар (Талибан) бұл әрекеттерді қожайындарының тапсырысы бойынша жүзеге асырады, олар өздерінің қуыршақ соғысына этникалық соғыстың кескінің бергісі келеді», — деді Станекзай.

«Жауынгерлік аймақтағы адамдар зардап шекпеуі керек. Отбасыларға зиян келтіруге тыйым салынады », — деді депутат Гүл Ахмад Камин.

Қазіргі уақытта Спин-Болдак аймағы Талибанның бақылауында.