НҰР-СҰЛТАН, 25 шілде.  Ставрополь қаласының тұрғыны Ресей Федерациясының аумағында тыйым салынған «Ислам мемлекеті» (ИМ) ұйымына қосылғаны үшін 15 жылға бас бостандығынан айырылды. Бұл туралы Оңтүстік округтік әскери сотының баспасөз қызметіне сілтеме жасап ТАСС хабарлады.

Сотталушы сонымен қатар қамаудағы екі адамды ИМ қатарына қосылуға көндіруге тырысты.

 «Ресей Федерациясының Қылмыстық кодексінің 205.5 бабының 2 бөлімі және 205.1 бабының 1.1-бөлімі (екі қылмыс). Айыпты деп танылып, Ставрополь өлкесінің Александровский аудандық соты мен Оңтүстік округтік әскери сотының үкімімен тағайындалған жазаны ішінара қосып, жазасының алғашқы екі жылын түрмеде өтеумен, арнайы режимдегі түзеу колониясында 15 жыл мерзімге бас бостандығынан айыру түріндегі жаза тағайындалды», — делінген хабарламада.

Баспасөз қызметінің ақпаратына сәйкес, сотталушы заңсыз әрекеттерді 2020 жылы жасаған.

«2020 жылдың шілдесінде Ставрополь өлкесінде қылмыстық жазасын өтеп жатқан кезде сотталушы тыйым салынған «Ислам мемлекеті» халықаралық террористік ұйымына қосылды, сонымен қатар сол жерде жазасын өтеп жатқан адамдардың ішінен екі адамды ИМ- нің қызметіне қатысуға сендіру арқылы көндірген», — деді сот.