НҰР-СҰЛТАН, 10  тамыз. Ауғанстанның шығысындағы Кандагар провинциясында соңғы 72 сағатта 20 -дан астам бала қаза тауып, 136 бала жарақат алды. Бұл туралы Ауғанстанның 1TV телеарнасына сілтеме жасай отырып ТАСС жазады .

«Ауғанстанда соңғы 72 сағатта 27 бала қаза болды, 136 әр түрлі дәрежеде жарақат алды», — деп БҰҰ Балалар қорының (ЮНИСЕФ) деректеріне сілтеме жасап телеарна хабарлайды. — Бұл жай ғана сандар емес. Өлім мен физикалық азаптың әрбір оқиғасы жеке трагедия. Әр бала өз отбасының қуанышы болған. Бұл балалардың халықаралық құқықпен кепілдендірілген қорғау құқығы соғысушы елдер тарапынан бұзылған».

 «Бұл қылмыстар Ауғанстандағы зорлық -зомбылықтың айуандық сипаты мен ауқымының дәлелі болып табылады, оның алғашқы құрбандары қорғансыз балалар», — деді ЮНИСЕФ.

ЮНИСЕФ балалардың қарулы топтармен қақтығыстарға көбірек тартылуы туралы хабарламаларға терең алаңдаушылық білдіреді. «Көптеген басқа ұлдар мен қыздар өздерінің туыстары мен көршілеріне жасалған қатыгездіктің куәсі болып, керемет күйзелістерді бастан өткерді», — деп толықтырды БҰҰ Балалар қоры.

Ұйым Ауғанстандағы қарулы қақтығыстың ушығуы балалардың балалық шағынан айырылуы себебі болмауы тиіс деп көрсетеді..

 «Ауғанстан балаларын  тек қана қақтығыстарды толық тоқтату қорғай алады. Қақтығыс жалғаса берсе, балалардың даму құқығына қауіп төніп тұр», — деді ЮНИСЕФ.

14 сәуірде АҚШ президенті Джо Байден, Америка тарихындағы ең ұзақ шетелдегі әскери науқан болған, Ауғанстандағы операцияны тоқтату туралы шешімін жариялады. Осының аясында ислам республикасында тәлібтердің бірнеше бағытта шабуылдарын күшейтуіне байланысты қауіпсіздік жағдайының нашарлауына тап болып отыр. Шілденің басында Талибан бес елмен — Иранмен, Тәжікстанмен, Түрікменстанмен, Қытаймен және Пәкістанмен шекаралас аудандарды бақылауға алды.