НҰР-СҰЛТАН, 08 қыркүйек. Гуантанамодағы америкалық базада 2001 жылы 11 қыркүйекте АҚШ-та теракт ұйымдастырды деп күдіктелген бес адамның ісі бойынша сот қайта басталды, — деп хабарлайды Tengrinews.kz Deutsche Welle басылымына сілтеме жасап.
Басылым мәліметінше, басты күдікті, Кувейттің тумасы Халид Шейх Мохаммед пен оның төрт сыбайласы сотқа тартылған. Айыпталушылар Кубадағы Гуантанамо әскери базасына соталды тыңдауға келген.
Мохаммедтің адвокаты істің аяқталуына тағы 20 жыл қажет екенін айтты.
Сот талқылауы АҚШ әскери трибуналы мен АҚШ федерал қылмыстық сот жүйесінің араласуымен өтеді. Судья мен прокурорлар Америка Құрама Штаттарының әскерилері. Прокурорлардың да, қорғаушылардың да әскери адвокаттары бар.
Айта кетейік, 2001 жылдың 11 қыркүйегінде АҚШ-та тарихтағы ең үлкен терракт жасалды. Террористердің төрт тобы төрт рейстік жолаушылар ұшағын басып алды, олардың екеуі Нью-Йорктегі Манхэттендегі Дүниежүзілік сауда орталығының мұнараларына жіберілді, нәтижесінде ғимарат құлады. Үшінші лайнер Вашингтон маңындағы Пентагон ғимаратына жіберілді. Төртінші ұшақ Пенсильвания штатындағы Боро Шанксвилл маңындағы алаңға құлады. 19 өзін-өзі өлтіруші террористтен басқа, 2977 адам қайтыс болды, тағы 24 адам хабар-ошарсыз кетті деп жарияланды.
Бұған дейін Байден 2001 жылдың 11 қыркүйегіндегі шабуылдарға қатысты жаңа материалдарды құпиядан шығару процедурасын іске қосу туралы жарлық шығарған болатын.
