НҰР-СҰЛТАН, 27 қазан. Қазіргі заманғы қауіп-қатерлерге қарсы күресте ШЫҰ елдерінің бірігуі ерекше өзекті болып отыр, деп мәлімдеді РФ Президентінің ШЫҰ істері жөніндегі арнайы өкілі Бахтиер Хакимов. Бұл туралы ТАСС-қа сілтеме жасап Sputnik Тәжікстан хабарлады.
Арнайы өкіл Ауғанстанда болып жатқан оқиғалар аясында бірлестіктің кеңеюі ерекше маңызды болып отырғанын айтты.
«Осы тұрғыда біз ШЫҰ дамуы мен нығаюы үшін біз көріп отырған міндеттерді шешу үшін бірлесіп жұмыс істейтін боламыз, Өзбекстанның өте маңызды бастамалары мен бағдарламасын қолдайтын боламыз», — деп атап өтті Хакимов.
Ресей президентінің арнайы өкілі төрағалық еткен жылы ШЫҰ-ны кеңейту үдерісі басталған және Ұйым шеңберіндегі экономикалық және мәдени ынтымақтастыққа қосымша серпін беруі тиіс маңызды құжаттар қабылданған Тәжікстанның үлесін ерекше бағалады.
Хакимов Өзбекстанның төрағалық еткен жылы басталған процестер іске асыруға жақындайтынын, сондай-ақ қазіргі заманғы қауіп-қатерлерге қарсы күрес шаралары күшейтілетінін айтты.
