НҰР-СҰЛТАН, 29 қараша. Елордалық полицейлер Нұр-Сұлтан қаласында есірткі сатумен айналысқан 6 адамнан тұратын қылмыстық топты ұстады, – деп хабарлайды Polisia.kz.

Есірткі қылмысына қарсы іс-қимыл бөлімшесінің қызметкерлері күдіктілердің тұрғылықты жері бойынша тінту жүргізу кезінде сатуға дайын каннабис тобының есірткі құралдарын тауып, тәркіледі.

Салмағы 11,5 келі есірткінің негізгі партиясы қылмыстық топтың ұйымдастырушысының әйеліне тиесілі зоосалонда табылған.

Есірткіні сақтау орны отбасылық бизнестің оқшаулау орналасқан үшін ғана таңдалмаған. Тінту болған жағдайда қызметтік иттерді иістен жаңылдыру үшін есірткі сөмкелері жануарларға арналған жеп-шөптің арасында жасырған.

Қылмыстық бизнесті ұйымдастырушы каннабис тобының есірткілерін Қазақстанның оңтүстік өңірлерінен партиялармен алып келіп отырған. Есірткіні сақтап, буып-түйіп, топ мүшелеріне табыстап отырған. Олар өз кезегінде гашишты сатуды жүзеге асырған.

Өткізілген арнайы іс-шаралардың нәтижесінде шамамен 17 млн теңге сомасына 2,5 мың доза гашиш заңсыз айналымға жіберілген жоқ.

Ішкі істер министрлігінде түсіндіргендей, гашиштің аса ірі мөлшерде салмағы 200 граммнан асуы жазаның күшейтілуін анықтайтын жағдай болып табылады.

Есірткіні аса ірі мөлшерде заңсыз сатқаны үшін жаза мүлкі тәркіленіп, он жылдан он бес жылға дейін бас бостандығынан айыруды көздейді.

Қылмыстық топтың барлық қатысушылары ұсталды, ҚР ҚК 297-бабы 3-бөлігі “Есірткі заттарды өткізу мақсатында заңсыз дайындау, өңдеу, сатып алу, сақтау, тасымалдау, адамдар тобының алдын ала сөз байласуы бойынша аса ірі мөлшерде жөнелту немесе өткізу” бойынша сотқа дейінгі тергеу басталды.