НҰР-СҰЛТАН, 17 қаңтар. Федералды тергеу бюросы 15 қаңтарда Колливиллдегі синагогада төрт адамды кепілдікке алған Ұлыбритания азаматының есімін жариялады, деп хабарлайды Zakon.kz-ке сілтеме жасап «Терроризмге қарсы комитет» РҚБ ресми сайты хабарлайды.
ФТБ мәлімдемесіне сәйкес, бұл Ланкашир графствосындағы Блэкберн қаласынан 44 жастағы Малик Фейсал Акрам болып шықты.
Далластағы ФТБ далалық кеңсесінің арнайы басқарушы агенті Мэттью ДеСарно бүгін Техас штатының Колливилль қаласында кепілге алған адамның жеке басын растады. Бұл 44 жастағы британдық азамат Малик Фейсал Акрам.
Бір күн бұрын ол жергілікті синагогада төрт адамды бірнеше сағат бойы кепілдікте ұстады . Олардың бірін Акрам босатып жіберсе, қалғандарын арнайы жасақ босатып, күдіктіні атып тастаған.
Аты-жөнін атамаған билік өкілінің телеарнаға хабарлауынша, қарулы ер адам терроризм үшін сотталған Аафия Сиддиккинің ағасы екенін айтып, оны босатуды талап етіп отыр. Сиддикки жазасын Техастағы әскери-әуе күштерінің базасында өтеп жатыр, ол 2010 жылы АҚШ сарбазын өлтіруге әрекеттенгені үшін 86 жылға сотталған және «Әл-Қаида»* лаңкестік тобымен байланысы бар деген күдікке ілінген.
Өз кезегінде сотталғанның адвокаты Марва Элибиалли CNN телеарнасына синагогада адамдарды кепілдікке алған адам оның клиентінің ағасы емес екенін айтты.
АҚШ президенті Джо Байден адамдарды кепілдікке алуды «терроризм актісі » деп атады.
* Қазақстан Республикасында тыйым салынған ұйым
