НҰР-СҰЛТАН,21 наурыз.Канаданың Миссиссога қаласында бір адам мешітте намаз оқуға дайындалағандарға шабуылдады, деп TRT агенттігіне сілтеме жасап «Терроризмге қарсы комитет» РҚБ ресми сайты хабарлайды.
Канаданың Миссиссога қаласында бір адам Дар әл-Таухид мешітінде намаз оқып жатқандарға көз жасаурататын газ сеуіп, балтамен шабуыл жасамақ болды.
Мешіт имамы Ибрахим Хинди қолында газ бен балта бар шабуылдаушының таңғы намазды оқуға дайындалып жатқандарға зиян келтірмей тұрғанда тоқтатылғанын мәлімдеді.
Хинди мұсылман жамағатынан ешкімнің зардап шекпегенін, бірақ көптеген адамға газдың әсер еткенін атап көрсетті.
Пил аудандық полициясы шабуылдаушының қамауға алынғанын жариялады.
