НҰР-СҰЛТАН, 15 мамыр. Германияда пойызда ер адам жолаушыларға пышақпен шабуыл жасап, бірнеше адамды жарақаттады, деп Хабар24 сілтеме жасап «Терроризмге қарсы комитет» РҚБ ресми сайты хабарлайды.

Оқыс оқиға Ахен қаласына бағыт алған отарбада болды. Әйтеуір вагонда кездейсоқ тәртіп сақшысы болып, қаскөйді залалсыздандырды. Оған жолаушылар да көмектескен. Шабуыл жасаған босқындар орталығында тұратын 30 жастағы Ирак азаматы екен.

«Зардап шеккендер ауруханаға дереу жеткізіліп, емделіп жатыр. Шабуыл жасаған адам не үшін бұл қадамға барғаны белгісіз. Тергеу амалдары басталды», — деді полиция қызметкері Стефани Куч.