НҰР-СҰЛТАН, 31 мамыр. БҰҰ-ның соңғы есебіне сәйкес Тәліптер («Талибан» қозғалысы*) «Әл-Қаидамен»* тығыз байланысын жалғастыруда,  деп «Афганистан.Ру» сайтына  сілтеме жасап «Терроризмге қарсы комитет» РҚБ ресми сайты хабарлайды.

Баяндамаға сәйкес, «Әл-Қаида» жетекшісі Айман әз-Завахири «Талибан» жетекшісі Хайбатулла Ахунзадеге адал болуға ант берді.

БҰҰ сарапшылары тәліптер шетелдік лаңкестік топтарға қауіпсіз баспана беруді жалғастырып жатқанын атап өтті.

Сонымен бірге, олар қазіргі уақытта «Аль-Каида» да, «Ислам мемлекеті» де Ауғанстаннан тыс жерлерде шабуыл жасау үшін жеткілікті әлеуетке ие емес деп санайды. Олардың пікірінше, бұл келесі жылдан ерте болмауы мүмкін.

БҰҰ-ның бағалауынша, қазір Ауғанстанда «Әл-Қаидамен» байланысы бар Үндістан, Пәкістан, Бангладеш және Мьянмадан келген 180-ден 400-ге дейін содырлар бар.

Баяндамада Ауғанстанда пәкістандық тәліптердің («Техрик-е Талибан Пәкістан, ТТП) болуы туралы да айтылады.

Тәлібтер бұл хабарға елде шетелдік содырлар жоқ деп жауап берді. Олар 9 ай бойы Ауғанстан мен әлемдік қауымдастық арасындағы сенімді нығайту үшін әрекет істегендерін баса айтты. Олар Ауғанстан ешбір елге қауіп төндірмейтініне тағы да уәде берді.

* Қазақстан Республикасында тыйым салынған ұйым