НҰР-СҰЛТАН, 17 маусым. 17 маусымда Нұр-Сұлтан мен Ақмола облысында антитеррористік оқу-жаттығу басталды. Бұл туралы елорданың терроризммен күрес жөніндегі жедел штабы мәлім етті, деп хабарлайды Экспресс К.
Лаңкестікке қарсы оқу-жаттығу сағат 08:00 мен 15:00 аралығында ұйымдастырылады. Нұр-Сұлтан қаласында Қорғалжын тас жолы мен Домалақ ана көшесінің қиылысында сонымен қатар Ақмол ауылында Наурыз және Бақыт көшелерінің қиылысында өтеді.
«Біз азаматтарды өтіп жатқан оқу-жаттығу шараларына, көліктер мен тұрғындардың қозғалысына қойылуы мүмкін уақытша шектеулерге түсіністікпен қарауға, қауіпсіздік шараларын сақтауға және тартылған мемлекеттік орган қызметкерлерінің заңды талаптарын орындауға шақырамыз», — делінген хабарламада.
