НҰР-СҰЛТАН, 06 қыркүйек.Буркина-Фасодағы лаңкестік әрекеттен 35 бейбіт тұрғын қаза тапты, деп TRT агенттігіне сілтеме жасап «Терроризмге қарсы комитет» РҚБ ресми сайты хабарлайды.
Үкіметтен жасалған жазбаша мәлімдемеге қарағанда, ел астанасы Вагадугуға бара жатқан жүк конвойының өтуі кезінде Джибо мен Бурзанга аудандары арасында жолға төселген мина жарылды.
Жарылыс салдарынан 35 адам қаза тауып, 37 адам жарақат алды.
Көрші Малидегі әл-Каида мен ДАИШ-пен байланысы бар лаңкестік топтар 2015 жылдан бері Буркина-Фасоның солтүстігі мен шығысында шабуылдар жасап келеді.
Ресми деректерге қарағанда, 2015 жылдан желтоқсанға дейінгі аралықта бұл шабуылдардан 2 мың адам қаза тапқан.
