АСТАНА, 29 қыркүйек. Үндістанның қауіпсіздік күштері Джамму мен Кашмирдің солтүстігіндегі одақ аумағындағы пәкістаншыл «Джаиш-э-Мохаммад» тобының екі лаңкесін өлтірді, деп ТАСС сілтеме жасай отырып «Терроризмге қарсы комитет» РҚБ ресми сайты жазады.
Сәрсенбі күні The Indian Express газетінің хабарлауынша, лаңкестер Кулгам аймағында үнділік арнайы жасақ сарбаздарымен болған шайқас кезінде жойылды.
2022 жылдың басынан бері Джамму мен Кашмирде пәкістаншыл әртүрлі топтардың 100 террористі, оның ішінде 29 шетелдік өлтірілді.
Құқық қорғау органдарының мәліметінше, өлтірілген содырлардың көпшілігі – 63 адам – «Лашкар-э-Тайба» (Қазақстан Республикасында тыйым салынған) тобына тиесілі, тағы 24-і «Джаиш-э-Мохаммад» тобына қатысы бар, қалғандары шағын лаңкестік топтардың құрамында әрекет еткен.
Кашмир территориясы Үндістан мен Пәкістан арасындағы 1947 жылдан бері Британдық Үндістан тәуелсіздік алғаннан кейін діни көзқарастары бойынша екі мемлекетке бөлінген кезден бастап дау-дамайдың нысанасы болды. Қазіргі уақытта Кашмирде мемлекеттік шекара жоқ: оның аумағы бақылау сызығымен бөлінген. Үнді бөлігінде елден бөлініп шығуды жақтайтын топтар белсенді түрде әрекет етуде. Үндістан көрші Пәкістанды экстремистерді қолдады деп айыптаса, Исламабад бұл айыптауларды жоққа шығарады.
