АСТАНА, 03 қазан.Кабардин-Балқарда Солдатская ауылы маңындағы көпірді жаруды жоспарлаған лаңкестер жойылды, — деп хабарлайды РИА Новости Ресей ФҚҚ қоғаммен байланыс орталығына сілтеме жасап. Бұл туралы «Терроризмге қарсы комитет» РҚБ ресми сайты жазады.

«Федералдық қауіпсіздік қызметі Тергеу комитетімен, Ішкі істер министрлігімен және Ресей гвардиясымен бірлесіп, диверсиялық-лаңкестік әрекеттің алдын алды <…> Жедел іздестіру іс-шараларының нәтижесінде ҚБР Прохладненский ауданының Солдатская ауылының В.И. Ленин атындағы канал үстіндегі темір жол көпірінің жанында темір жол төсемінің астына жарылғыш құрылғы орнатқан екі қарулы террорист анықталды <…> Сонымен қатар, лаңкестердің сыбайласы ұсталды», — делінген хабарламада.

Тергеушілер мен криминалисттер оқиға орнынан атыс қаруы мен жарылғыш затты тәркіледі.

ФҚҚ атап өткендей, лаңкестер қарсылық көрсету кезінде  залалсыздандырылды, қауіпсіздік күштері қызметкерлерінің ешқайсысы зардап шеккен жоқ.

Қылмыскерлердің бірінің үйінен жарылғыш құрылғыларды жасауға арналған құралдар, сондай-ақ әртүрлі байланыс құралдары табылғаны нақтыланады.

ТК өңірлік басқармасы «Құқық қорғау органдары қызметкерлерінің өміріне қол сұғу», «Адамдар тобы жасаған қаруды заңсыз сатып алу, сақтау және алып жүру» және «Жарылғыш заттарды немесе жарылғыш құрылғыларды заңсыз сатып алу, беру, өткізу, сақтау, тасымалдау немесе алып жүру» баптары бойынша қылмыстық іс қозғады.