АСТАНА, 02 қараша.  Ресей Бас прокуратурасы айыптау қорытындысын бекітіп, Ресей Федерациясында тыйым салынған «Имарат Кавказ» лаңкестік ұйымының бұрынғы мүшелері Арби Батаев, Ирисхан Мерешков, Адам Кодзоев және Тимур Кодзоевқа қатысты қылмыстық істі сотқа жіберді, деп қадағалау органының баспасөз қызметі хабарлады. Бұл туралы ТАСС  агенттігіне сілтеме жасап «Терроризмге қарсы комитет» РҚБ ресми сайты жазады.

Олар лаңкестік ұйым мен қарулы құрамның қызметіне қатысты, сондай-ақ қару-жарақ, оқ-дәрілер, жарылғыш құрылғылар мен жарылғыш заттардың заңсыз айналымы үшін айыпталып отырғанын атап өтілді.

«2020 жылдан 2021 жылға дейін Кодзоевтер содырлар жетекшілерінің қылмыстық мақсаттары мен идеяларын бөлісе отырып, лаңкестердің бір тобын жасырын тұрғылықты жерінен Ресей Федерациясынан тысқары жерлерге одан әрі аудару үшін Ингушетия Республикасының Малгобек ауданына, сондай-ақ Белгород облысының Валуики қаласына жеткізгені анықталды.  Бұл ретте Батаев жасырын тұру үшін баспана тауып, дайындаған», — деді қадағалау органы.

Мерешков өз кезегінде лаңкестік әрекеттерді жүзеге асыру үшін ұйымның басқа мүшелерін Белгород облысы аумағынан Ингушетияға, жергілікті тұрғындарды «Имарат Кавказ» қатарына қосу үшін іріктеу жүргізген. Сонымен қатар, тергеу барысында анықталғандай, сотталушылар қару-жарақ, оқ-дәрілер, жарылғыш құрылғылар мен жарылғыш заттарды (фрагментті және танкіге қарсы гранаталар, тротил шашкалары, граната атқыштар, патрондар және т.б.) заңсыз иемденіп, тәртіп сақшылары ұстағанға дейін  Ингушетия аумағында сақтаған және көлікпен тасымалдаған.

Айыпталушылар уақытша ұстау абақтысына қамалды. Қылмыстық іс Оңтүстік аудандық әскери сотына жіберілді.