АСТАНА, 14 қараша. Ауғанстанмен шекарадағы «Спин-Болдак — Чаман» бақылау-өткізу бекеті маңындағы атыс салдарынан Пәкістан Шекара корпусының бір сарбазы қаза тауып, тағы екеуі жараланды, деп хабарлайды Stopterror.uz ТАСС -қа сілтеме жасап. Бұл туралы «Терроризмге қарсы комитет» РҚБ ресми сайты хабарлайды.

Ауғанстанның қауіпсіздік күштері бақылау-өткізу бекетінде кезекшілік атқарып жүрген пәкістандық шекарашыларға оқ жаудырды. Арандатылған атыс кезінде Пәкістан шекара корпусының бір сарбазы қаза тауып, екеуі жараланды. Ауғанстан тарапының шығыны туралы мәлімет жоқ.

Телеарнаның хабарлауынша, Пәкістан билігі бақылау-өткізу бекетінің жұмысын тоқтатты және Ауғанстан оқиғаға кінәлілерді экстрадицияламайынша, оны қайта бастауды жоспарлап отырған жоқ.

Кабулда олар пәкістандық шекарашыларға шабуылды «Талибан атын жамылған белгісіз лаңкестер» жасады деген пікірде.