АСТАНА, 12 желтоқсан. Америка Құрама Штаттары (АҚШ) Орталық қолбасшылығы (CENTCOM) Сирияның шығысында ДАИШ ұйымының екі жетекшісінің өлтірілгенін хабарлады.Бұл туралы TRT агенттігіне сілтеме жасап «Терроризмге қарсы комитет» РҚБ ресми сайты хабарлайды.
CENTCOM жазбаша мәлімдемесінде «АҚШ Орталық қолбасшылық күштері 11 желтоқсан күні жергілікті уақыт бойынша сағат 02:57-де Сирияның шығысында тікұшақпен сәтті операция жүргізіп, Сирияның шығысындағы жоспары мен операцияларына қатысы бар ДАИШ-тың басшысы Анаспен бірге екі ДАИШ жетекшісін өлтірді” деп айтылды.
АҚШ әскерлері тарапынан біржақты жүргізілгені хабарланған операцияда алғашқы анықтауларға қарағанда бейбіт тұрғындар арасында шығын болмаған.
