Қостанай. 12 сәуір. Бүгін таңертең Қостанай тұрғыны полицияға қоңырау шалып, өзінің пәтеріне жарылғыш зат қойылғанын айтты, деп хабарлайды облыстың ІІД баспасөз қызметі.
«Оқиға орнына келген полицейлер мен мүдделі қызметтер жарылғыш затты таппады. Ер адамның мас болғаны, осылайша «әзілдегісі» келгені анықталды», — деп хабарлады облыстың ІІД баспасөз қызметінде.
Жалған хабарлама фактісі негізінде ҚР ҚК 273 бабы бойынша соталды тергеу басталды. Санкция 5 жылға бас бостандығынан айыру түріндегі жауапкершілікті және айыппұлды көздейді.
Дереккөз: облыстың ІІД баспасөз қызметі
