Ақтау. 28 сәуір. Маңғыстау облысы, Қарақия ауданы, Жетібай ауылының №4 орта мектепте діни мәселелерді түсіндіруге арналған ақпараттық кездесу өткізілді. Бұл туралы Маңғыстау облыс Дін істеру басқармасының баспа сөз қызметі хабарлады.

Маңғыстау облысы Дін істері басқармасы жанынан құрылған ақпараттық топ өкілдері «ҚР діни экстремизм мен терроризмге қарсы іс қимыл жөніндегі 2018-2022 жылдарға арналған мемлекеттік бағдарлама», «ҚР мемлекеттік дін саласындағы 2017-2020 жылдарға арналған тұжырымдама» және «зайырлылық пен руханилық» тақырыптарында баяндама жасады.

Сонымен қатар, «Отанды қорғау – борышың», «жиһадшылар» бейнероликтері көрсетіліп, «діни қызмет және діни бірлестіктер» заңы туралы қысқаша баяндалды.

Кездесу соңынан ақпараттық парақшалар таратылып, дін саласына қатысты сауалдарды «Дін мәселелері бойынша ақпараттық-талдау орталығына»  жолдау керектігі ескертілді.