Астана,  21 желтоқсан. Сирияның шығысында екі ай ішінде ДАИШ содырлары 700-ге жуық адамды өлім жазасына кескен. Бақылаушылар осындай деректер жариялады, деп Интерфакс АА хабарлайды.

Осы кезеңде Иракпен шекаралас аумақта террористердің тұтқынына 1,3 мың адам болған. Оның көпшілігін содырлар өлім жазасына кескен. ДАИШ-тықтар қазіргі уақыттың өзінде Ефраттың шығысында Хаджин қаласында бақылау жүргізіп келеді. Бұған дейін бұл аймаққа АҚШ жетекшілігіндегі коалиция кірген. Еске салсақ, Түркия президенті 12 желтоқсан күні түрік әскерінің Ефраттың шығыс территориясын террористерден тазарту операцияларын бастайтынын мәлімдеген еді.