АСТАНА, 26 ақпан. Ауғанстанда өткен жылы қарулы қақтығыс пен лаңкестіктен 3 мың 800-ден астам бейбіт тұрғын көз жұмған, деп хабарлайды 24.kz.

Опат болғандардың 927-сі бала. Тағы 7 мыңнан астам адам жарақат алған. Бұл 2017 жылмен салыстырғанда 5 пайызға артық. Мұндай мәліметті БҰҰ-ның Ауғанстанға қолдау көрсету өкілдігі жариялады.

Сарапшылардың айтуынша, қаза тапқан бейбіт тұрғындардың 63 пайызы «Талибан» радикалды қозғалысы мен «Ирак және Левант лаңкестік ұйымы» топтарының әрекетінен мерт болып жараланғандар. Ал 24 проценті үкімет күштерінің операциясынан жапа шеккен. Жалпы 2009 жылдан бері Ауғанстанда 32 мың бейбіт тұрғын қаза тауып, 60 мың адам жарақат алыпты.