НҰР-СҰЛТАН, 21 сәуір.Шри-Ланкадағы қонақүйлер мен шіркеулерде қаза тапқандар саны 160 адамға жетті, 360-тан астамы зардап шеккен, деп РИА Новости-ге сілтеме жасап Sputnik хабарлайды .
Жергілікті Ada Derana басылымы жазғандай, католиктік Пасха мейрамын тойлау кезінде барлығы алты рет жарылыс болған: Коломбодағы Shangri-La, Cinnamon Grand және Kingsbury бес жұлдызды қонақүйлерінде және Котахена, Негомбо мен Баттикалоа қалаларындағы үш шіркеуде.
«Құрбандар көп, олардың арасында шетелдіктер де бар», — деп мәлімдеді экономикалық реформалар мен мемлекеттік бөліс министрі Харша де Силва.
Оқиға орнында полиция жұмыс істеп жатыр, жарылыс болған шіркеулер мен қонақүйлердің аумағы қоршалған. Коломбо халықаралық әуежайында қауіпсіздік шаралары күшейтілді.
