НҰР-СҰЛТАН, 06 мамыр. Милиция қызметкерлері Орто-Сай базарында жарылғыш зат туралы көрінеу жалған хабар берген күдіктіні анықтап, ұстады, деп жазады Sputnik Қырғызстан Бішкек ІІББ баспасөз қызметіне сілтеме жасап.

Өткен жылдың 16 мамырында «102» қызметіне базар аумағында бомба қойылғандығы туралы хабарлама келіп түсті. 35-40 жастағы ер адам қатарлар арасында жүріп, базарда жақын арада жарылыс болатының айғайлап, қашып кеткен. Оқиға орнына ТЖМ қызметкерлері, кинологтар, саперлер мен дәрігерлер келді. Мамандар үш сағат бойы жарылғыш құрылғыны іздеген, бірақ ештеңе таппады.

ҚР Қылмыстық кодексінің (ескі) 228-бабының 1-бөлігі «терроризм актісі туралы көрінеу жалған хабарлау» бойынша іс қозғалды. Жедел ақпараттардың арқасында елорда ІІББ экстремизмге және заңсыз көші-қонға қарсы іс-қимыл қызметінің қызметкерлері күдіктінің жеке басын анықтады. Ол Нарын облысының тумасы, 38 жастағы А. Э. болып шықты, оны ұстап, МҰҚК тергеу қызметіне тапсырды.