НҰР-СҰЛТАН, 9 мамыр. Өзбекстанда алғаш рет елде тыйым салынған 40 экстремистік интернет-ресурстардың тізімі жарияланды. Бұл туралы Өзбекстанның Әділет министрлігіне сілтеме жасай отырып, Sputnik Тәжікстан хабарлады.

2018 жылдың қазан айының соңында Өзбекстанда «Экстремизмге қарсы тұру туралы» Заң күшіне енді, бұл жергілікті және шетелдік ұйымдардың осы қызметті жүзеге асыру үшін жауапкершілігін қарастырады.

Заңға сәйкес, қызметі алты айға дейін уақытша тоқтатылған  немесе тыйым салынған заңды тұлғалардың тізімі, сондай-ақ олардың ақпараттық ресурстары экстремистік қызметке қатысы болғандықтан, Республиканың Әділет министрлігінің және Жоғарғы Сотының ресми сайттарында орналастырылады.

 «Жоғарғы соттың шешімі бойынша (Өзбекстан) Facebook, Youtube және Telegram әлеуметтік желілеріндегі сәйкес профильдер, арналар мен парақшалар  экстремистік және террорлық деп танылды», — деп хабарлады Әділет министрлігі.

Өзбекстанда алғаш рет жарияланған бұл тізімде  әлеуметтік желілерде және интернетте  өзбек тілінде 40 ресурс бар.

Заңға сәйкес, ұйымды экстремистік деп тану және оның таратылуы елдің Бас прокурорының арызы негізінде тек Жоғарғы сотпен ғана жүзеге асырылады.

Қазіргі уақытта Өзбекстанда экстремистік әрекеттер үшін Республиканың Қылмыстық кодексінің тоғыз бабы бойынша,  20 жылға бас бостандығынан айыру жазасын көздейтін, қылмыстық іс қозғалады.