НҰР-СҰЛТАН, 21 мамыр. Буэнос-Айрестің Сан Исидро ауданында орналасқан сауда орталығында миналау туралы хабарламадан кейін жүргізілген тексеру нәтижесінде жарылғыш заттар табылған жоқ, деп хабарлады РИА Новости муниципалитет басшысы Густаво Поссэге сілтеме жасай отырып.
«Унисентрға кіруге рұқсат берілген. Кешенді тексергеннен кейін ешқандай жарылғыш зат табылған жоқ. Жауапсыз адамдар басқалардың қорқынышымен ойнайтыны өкінішті», — деп жазды ол Twitter-де.
Бұған дейін аргентиналық полиция Каса Роса (президенттік сарайда) мен депутаттар палатасында бомба болуы мүмкін деген қоңыраулар қабылдаған. Белгісіз біреулер бірнеше рет темір жол станцияларын «миналаған», нәтижесінде бірнеше сағат бойы бірқатар қала маңындағы поездар мен метро станцияларының қозғалысы тоқтатылды. Барлық қауіп-қатерлер жалған болып шықты.
Аргентина үкіметі соңғы айларда орын алған бомба туралы жалған қауіп-қатерлердің салдарын азайтуды талқылайды.
