НҰР-СҰЛТАН, 09 маусым. Мәскеуде адамдар жаппай болатын 16 объектіде, соның ішінде Құтқарушы Христос храмы мен Останкино телемұнарасында, жарылыс қаупі расталмаған, қауіпті заттар табылған жоқ, деп елорданың шұғыл қызмет өкіліне сілтеме жасай отырып РИА Новости хабарлайды.
«Миналау»туралы анонимді хабарламадан кейін Мәскеудің әртүрлі аудандарында адамдар жаппай болатын 16 нысанды тексеру туралы хабарланған болатын. Олардың арасында Құтқарушы Христос храмы, Останкино телемұнарасы және Ленин кесенесі болды.
«16 нысанның барлығы тексерілді, қауіптер расталмады», — деп хабарлады агенттіктің ақпарат көзі.
Оның айтуынша, 16 «миналанған» нысандар тізімінде Мәскеу метросы да болды.
