НҰР-СҰЛТАН, 09 шілде. Түркияның құқық қорғау органдары Хаккари провинциясындағы Күрдистанның жұмыс партиясының үш мүшесін «бейтараптандырды» деп 9 шілде күні Anadolu Ajansi-ге сілтеме жасап  REGNUM ақпараттық агенттігі хабарлайды.  

«Бейтараптандырылған» термині ел әскерилерімен  тек физикалық жойылған жауға ғана емес, сондай-ақ өз еркімен берілген немесе тұтқынға түскендерге қатысты қолданылады.

Естеріңізге сала кетейік, Күрдістанның жұмыс партиясы өзі туралы алғаш рет 1984 жылы мәлімдеген болатын. Сол кезден бастап көтерілісшілер мемлекет шеңберінде өз автономиясын құру құқығы үшін ел Үкіметімен күресіп келеді.